Skuadra K.S Besa

Titulli: Skuadra K.S Besa 25/5/2008, 8:24 pm

Skuadra e Beses eshte themeluar ne vitin 1922

Kampionate Kombetare -

Kupa Republikes -

Superkupa -

_________________
Be Safe With The Best Or Die Like The Rest !!

Besa ka pësuar një humbje minimale 2-1me gjigandin zvicerian Grasshopers, në ndeshjen e vajtjes së turit të dytë të Kupës Intertoto. Skuadra kavajase ka lënë gjithçka të hapur për takimin e kthimit më 12 korrik në Tiranë. Pas një pjese të parë ku kavajasit qëndruan në mbrojtje dhe luajtën me kundërsulm, zvicerianët shënuan dy herë në minutën 66’ dhe 76’ të pjesës së dytë. Luliç ishte autori i të dy golave. U mendua gjithçka si e mbaruar, por, në minutën e 82-të, skuadra shqiptare është kundërpërgjigjur me Herbi Fortunat. Një gol që mban gjallë shpresat e saj për një kualifikimtë mundshëm në ndeshjen e javës së ardhshme.

Titulli: Besa dështon, ëndrra i gënjeu 13/7/2008, 11:39 am

BESA GRASSHOPERS 0 3
GOLAT
Sabanoviç 54', 68', Zuber 85'
FORMACIONET
BESA: Zendeli, Lila (Ishka 58'), Leci (Veliaj 60'), Shoshi, Ramadani,
Meto (Mile 62'), Mancaku, Progni, Sakaj, Alikaj, Fortunat
Tr. Iljaz Haxhiaj
GRASSHOPERS: Jakupoviç, Voser, Vallori, Kolina, Smildaniç,
Luçiç, Zarate(Toure 46'), Mikari, Kabanas(Krusado 62'),
Sabanoviç(Zuber 82'), Salatiç
Tr. Hans Peter Latour
GJYQTARET
A.V. Kostandin, G.A. Vidam, J.Popa (Rumani
KARTONË TË VERDHË
Lila, Sakaj, Leci, Alikaj / Salatiç, Voser
MINUTAT
5’ Rasti i parë i takimit. Zarate brenda zonës i lirë, godet me kokë,
por nuk arrin që të shënjestrojë kuadratin, duke humbur një rast të
mirë për shënim.
7’ Fortunat hyn bukur në zonën kundërshtare, lëshon një goditje
shkrutas, por topi përfundon ngjitur me shtyllën pingule.
11’Mancaku në hyrje të zonës godet një “predhë” dhe topi përfundon
ngjitur me shtyllën pingule të portierit Jakupoviç.
30’Pasim i shkurtër i Luliç për Kabanas, ai godet menjëherë topin,
por mbi shtyllën traversale.
35’Kabanas ekzekuton një goditje dënimi nga një distancë prej 20
metrash, topi ndalet nga muri, ai provon sërish, por këtë radhë topi
kalon mbi traversë.
37’Alikaj ekzekuton në mënyrë mjeshtërore një goditje dënimi nga
një distancë prej 30 metrash, topi grushtohet në limit nga portieri
Jakupoviç në goditje këndi.
40’Alikaj kroson brenda në zonë, Fortunat kërcen më lartë nga të gjithë,
por është portieri, ai që ndal topin, duke shmangur rrezikun e golit.
45’Luçiç kroson bukur për Vallori, që ishte i vetëm brenda zonës, ky
godet me kokë dhe topi ndalet në shtyllën shtyllën pingule.
54’Toure, i futur në lojë në pjesën e dytë, jep një pasim me kokë
për Sabanovic, i cili del i vetëm me Zendelin dhe nuk e ka aspak të
vështirë ta dërgojë atë në rrjetë. 0-1
61’Kombinim i bukur i zviceranëve në hyrje të zonës kavajse, Sabanoviç
sërish del i vetëm me portierin Zendeli, godet fort, për këtë
radhë topi ndalet nga shtylla traversale.
66’Krusado në hyrje të zonës godet fuqishëm, por portieri Zendeli
shpëton Besën, duke grushtuar topin.
67’Gabime fatale të mbrojtësve kavajas, të cilët ia dorëzojnë topin
zviceranëve. Toure në harkun kohor të dy minutave del i vetëm me
Zendelin.
68’Dy lojtarë të Grasshpoers dalin vetëm me portierin e Besës,
është sërish Sabanoviç, ai që me portën bosh përcjell topin
në rrjetë. 0-2
79’Luçiç nga e djathta ka mjaft hapësirë, shmang një mbrojtës
kavajas, godet fuqishëm, por janë këmbët e portierit Zendeli, që
largojnë topin.
85’Zuber futet bukur në zonë, duke shmangur një mbrojtës
kavajas, shmang edhe portierin Zendeli e më pas dërgon topin në
rrjetë, duke trefishuar rezultatin 0-3.

Titulli: PERRALLA E BESES QE KUSHTOI 80MIJE ERO 14/7/2008, 10:53 pm

Kur Besa vetëshpërfytyrohej me zviceranët e Grasshopersit, mendja nuk të mbetej te goli i radhës,por te një episod tjetër, larg ndeshjes: atë ditë kur u shfaq në ekran presidenti Bizhdili dhe premtonte mijëra euro që do të çonin nëpër shtëpi futbollistët e tij në rast kualifikimi.Një shifër e bujshme... 80mijë euro, për të cilën krenohej vetë presidenti, aq sa dhe pyeste me vetëmburrje: "Cili president tjetër ka ofruar më shumë për kualifikimin"?Edhe pse nuk e kemi për herë të parë, kur në pragtëndeshjeve ndërkombëtare premtojmë para dhe jo futboll, sikur kemi dëshirë të gënjehemi, disa besonin se Besa është në prag të historisë, edhe pse e dinin se historia asnjëherë nuk kalon nga Kupa Intertoto.Një kompeticion që në fillimet e tij nuk lakmohej shumë nga klubet shqiptare,sepse ofronte aq para sa për udhëtimin me avion. Ndërsa sot, Intertoto është shndërruar në një ngushëllim mbijetese për ekipet shqiptare. Një ndeshje për t'u harruar, thuhet rëndom në komente dhe në gazeta. Por Besa, të cilës iu besua stadiumi "Niko Dovana" i Durrësit, nuk mund të harrohetaq shpejt. Edhe pse kemi pësuar 3 gola, në histori përsëri kemi hyrë, por nga dera e turpit. Të ndiqje logjikën e lojës, sidomos në pjesën e dytë, të dukej sikur shifrat e bujshme me para ishin premtuar për humbjen dhe jo për fitoren.Komentatorët në radio lëshonin një frazë injoruese: "Tanët po luajnë sikur janë të fituar. Edhe ndërrimet e bëra po shkojnë në favor të zviceranëve".Por kjo ndeshje, si shumë të tjera, do të mbetet pa analizë. Fakti që specialistë të federatës vazhdojnë të mbrojnë humbjet me frazën "ky është takati ynë", është një arsye më shumë që zhgënjimet në lojë e me gola të mos shpjegohen. Kujtoni zellin kolektiv të specialistëve tanë në Evropian, kur kritikonin pa frikë trajnerët Donadoni, Van Basten apo Lëvin e Gjermanisë.Por për Besën që do të prekte historinë, që do të fshinte nga kujtesa Flamurtarin e dikurshëm, që do të hynte në"Gines"-in shqiptarpër bastin e 80 mijë eurove, pse nuk bëhet "autopsia"? Frenimi është i shpjegueshëm: sepse kanë frikë nga presidentët e klubeve. Në rastin konkret nga Bizhdili, që në këto momente duhet të shfaqet në ekran dhe të flasë jo për shifra, por se si tradhton pa frikë ekipi i tij. Sapo ka mbaruar ndeshja në "Niko Dovana", dikush ka kujtuar se kanë mbetur edhe tri ekipe shqiptare në Kupat e Evropës. Sigurisht, nuk do të pretendojmë kufijtë e historisë, por një futboll më të besueshëm.Do të thuhen shumë gjëra të bukura në gazeta e ekrane, miliona që do na hutojnë, që për çudinë tonë dhe për aftësinë e "bosëve të futbollit", do t'i besojmë edhe në këtë sezon.