RRUGË E PANDALËSHME

Titulli: RRUGË E PANDALËSHME 29/1/2008, 4:17 pm

NA DO ECIM RRUGËS TONË,

Le të thot kush çka të dojë,
na bëjmë punen tonë,
të gjithë të bashkuar si një
për at-mëmëdhenë punojmë.

Nuk ka forcë të na përçajë,
nga se as zoti ashtu s'don,
qentë për rreth pa pra le të lehin
na do ecim rrugës tonë.

Ymer Berishës me shumë shokë
e Ukë Sadikut me trimat tjerë,
që dhanë jeten për këtë tokë
gjallë idenë ua mbajmë përherë.

Marie Shllakut e Ndue Perlleshit
si përherë iu këndojmë lavdi,
Halil Sadrinë e Gjon Sereqin
i kem' të rrallë në histori.

Rrug'n e shenjtë për të vazhduar
amanet e kem’ prej të parit,
trojet tona për të bashkuar
do të luftohet djalë pas djalit.

_________________
Është lehtë të bëhesh pasha në nahi
por është vështirë të jesh njeri
"Njeriu jeton për aq sa jeton vepra dhe kujtimi për te".

Titulli: Re: RRUGË E PANDALËSHME 10/2/2008, 2:44 pm

KOSOVËS TIME

Oj Kosovë, Kosovë vigane
gjithë stuhive ‘u reziston,
për shumë luftërat ti që bane
e tërë bota të admiron.

Bij e bija i ke zana të malit
qe nuk flejnë e as nuk koten,
me trimëritë trashëgim prej të parit
anë e mbanë mahnite boten.

Je kala shumë shekullore
s’u gjunjëzove për të gjallë,
sfida të rënda tejkalove
të gjithë na ty të qofshim falë.

Nga Urali as nga Karpatet
askush në supe nuk të solli,
forca jote me asgjë s’matet
fitimtare përherë doli.

Ti si shkëmb je prej graniti
qe nuk mposhtet e as coptohet,
në krah të shqipës nëna të rriti
për çdo ditë ty forca të shtohet.

Qe prej shekujsh të historisë
u bëre ballë sulmev’ barbare,
se je bija e ILIRISË
Dardani – Kosovë shqiptare.
_________________
Është lehtë të bëhesh pasha në nahi
por është vështirë të jesh njeri
"Njeriu jeton për aq sa jeton vepra dhe kujtimi për te".